ဘာသာစကားသင်ယူတာနဲ့ပတ်သက်ရင် တော်တော်များများက ဝါသနာပါမှ ပိုအဆင်ပြေမယ်လို့ ပြောကြတယ်။ ဝါသနာမပါရင် စိတ်မပါတော့ နေ့တိုင်းလည်း စာမလုပ်ချင်ဘူးပေါ့။
ဝါသနာမပါတဲ့သူနဲ့ ယှဉ်ရင်တော့ စိတ်ဝင်စားတဲ့သူအတွက် စပြီးသင်ယူဖို့ ပိုလွယ်ကူစေနိုင်ပါတယ်။ ဆက်လုပ်သွားဖို့လည်း Stress ပိုနည်းတယ်။ ဒါပေမဲ့ ဘာသာစကားက ဝါသနာပါမှ သင်လို့တတ်တဲ့အရာတော့ မဟုတ်ပါဘူး။ လိုအပ်လို့သင်ရတဲ့အခါ တစိုက်မတ်မတ် ဇွဲရှိရှိလုပ်တာမျိုးက ပိုအရေးပါတယ်။ ဒါက ဝါသနာနဲ့ မဆိုင်ပဲ ကိုယ့်ရဲ့ ဆုံးဖြတ်ချက်ခိုင်မာမှုပါပဲ။
ကျွန်မက language တွေသင်ရတာ ဝါသနာ ပါပါတယ်။ ဂျာမန်စာသင်ရတာကိုတော့ အတော်လေး စိတ်အားမထက်သန်ပါဘူး။ ဒါကြောင့် စိတ်မပါတဲ့နေ့တွေ အများကြီး ရှိပါတယ်။ အဲ့လိုနေ့တွေဆိုရင် ကိုယ့်ဟာကိုယ် အတင်းဖိအားပေးပြီး စားပွဲမှာ စာအုပ်တွေနဲ့ စာထိုင်လုပ်တာမျိုး မလုပ်ပါဘူး။ အဲ့လိုမလုပ်လည်းပဲ ဘာသာစကားသင်ယူလို့ရပါတယ်။ အဓိကက အထိအတွေ့ရှိနေဖို့ပါပဲ။ (နေ့တိုင်းတော့ စာမလုပ်လို့မရဘူးပေါ့နော်)
ဒါကြောင့် စိတ်မပါတဲ့နေ့ဆို target language နဲ့ ရုပ်ရှင်/animeကြည့်တယ်။ ကလေးစာအုပ်လေးတွေဖတ်တယ်။ Manga ကို ဂျာမန်လိုဖတ်တယ်။ Disney သီချင်းတွေကို ဂျာမန်လို ဖွင့်ထားပြီး လုပ်စရာရှိတာလုပ်တယ်။ Tagesschau in einfacher Sprache ဆိုတဲ့ သီတင်းကို လွယ်ကူတဲ့စကားလုံးတွေနဲ့ တင်ဆက်ထားတာကို ကြည့်တယ်။ German social media content တွေကြည့်တယ်။ ဟင်းချက်တဲ့ video တွေကို ဂျာမန်လိုကြည့်တယ်။ ဒါတွေကို ၁၀ မိနစ်လောက်လေးပဲ လုပ်တာကလည်း အကူအညီဖြစ်ပါတယ်။
စိတ်ပါတဲ့သူတစ်ယောက် ၂ ပတ် စာလုပ်ပြီး တစ်လ နားနေတာထက် စိတ်မပါသော်လည်း နေ့တိုင်း ၁၀ မိနစ် နဲ့ တစ်နှစ်ပတ်လုံး တစိုက်မတ်မတ်လုပ်တဲ့သူက ပိုပြီး ရှေ့ရောက်ပါတယ်။
နောက်တစ်ခုက motivation သိပ်မရှိပဲ ဘာသာစကား သင်ရတဲ့အခါ ကိုယ့်ရဲ့ တိုးတက်မှုကို သေချာမမြင်ရရင် ပိုပြီး စိတ်ဓါတ်ကျချင်စရာကောင်းတယ်။ ဒါကြောင့် ကိုယ် ဘယ်လောက်လုပ်ထားတယ်.. ဘယ်လောက်တိုးတက်လာတယ်ဆိုတာကို သေချာမြင်နေရဖို့ အရေးကြီးပါတယ်။
ကျွန်မကတော့ ဖုန်းထဲက Notes App မှာ ကျွန်မ သင်ထားပြီး မှတ်မိတဲ့ ဂျာမန်စကားလုံးတွေဆိုတဲ့ file လေး ထားထားတယ်။ သင်ထားပြီးတဲ့ vocab တွေကိုရုပ်ရှင်/သီချင်း/သီတင်း/ စာအုပ်/ media content/ သူများရဲ့ conversation စတာတွေမှာ မြင်လိုက်ကြားလိုက်လို့ မှတ်မိတယ်ဆိုရင် app ထဲ ချရေးတယ်။ ထုတ်သုံးဖြစ်တယ်ဆိုရင် app ထဲချရေးတယ်။ တစ်နေ့တစ်နေ့ တိုးလာတဲ့ vocab တွေကို ကြည့်ရင်း အားတက်စေသလို review လည်းလုပ်ပြီးသားဖြစ်ပါတယ်။
ကျွန်မစာကြည့်စားပွဲမှာလည်း calendar လေးရှိတယ်။ အဲ့ဒါက ဂျာမန်စာအတွက် သီးသန့် calendar ပါ။ ဘယ်နေ့မှာတော့ ဂျာမန်စာနဲ့ အထိအတွေ့ရှိတယ် ဘယ်နေ့မရှိဘူး ဆိုတာ အမှတ်အသားလုပ်ထားပါတယ်။ ဒါကလည်း ကျွန်မကို ပိုပြီး consistent ဖြစ်စေဖို့ လိုအပ်တဲ့တွန်းအားဖြစ်ပါတယ်။
ကိုယ့်ဟာကိုယ် target language နဲ့ တစ်လ တစ်ကြိမ်လောက် စကားပြောကြည့်ပြီး video ရိုက်ထားပါ။ ပြန်ကြည့်ရင် တိုးတက်လာတာကို ခံစားရပါတယ်။
(ကိုယ့်အတွက် ဘယ်လိုလုပ်တာမျိုးက အားတက်စေမလဲ စဉ်းစားကြည့်ပြီး တိုးတက်မှုကို မြင်သာအောင် တစ်ခုခုထားရှိပါ)
နေ့တိုင်း step သေးသေးလေးပဲဖြစ်ဖြစ် လုပ်နိုင်တဲ့ အကျင့်ကိုလုပ်ပါ။ လုံးဝစိတ်မပါသည့်တိုင် စာအုပ်ထဲက စာတစ်ပိုဒ်လေးကိုပဲဖတ်တာဖြစ်ဖြစ်၊ စာကြောင်းတစ်ကြောင်းလေးပဲ ချရေးတာဖြစ်ဖြစ်၊ စာလုံးအသစ် ၅ လုံးပဲ မှတ်တာဖြစ်ဖြစ်ပေါ့။ တစ်ရက်ကို ၁၀ မိနစ်ဆိုတာ ဘာမှ သိပ်အားထုတ်စရာမလိုပါဘူး။ ဒါပေမဲ့ နေ့တိုင်းလုပ်ရင် သိသာလာစေတာမျိုးပါ။
ဂျာမန်စာသင်ရတာ ကျွန်မရဲ့ ဝါသနာမဟုတ်သလို passion လည်းမဟုတ်ပါဘူး။ ဒါပေမဲ့ သင်ယူခြင်းအားဖြင့် ကိုယ့်ဘဝကို ပိုအဆင်ပြေစေမယ်။ ဒီနိုင်ငံမှာ ဘယ်သူ့ကိုမှ အားကိုးစရာ မှီခိုစရာမလိုတဲ့ဘဝကို တည်ဆောက်နိုင်မယ်။ ဒါကြောင့် ဝါသနာထက် မိမိအပေါ်မိမိထားတဲ့လေးစားမှု အနေနဲ့ သင်တယ်လို့ သဘောထားပါတယ်။
နောက်ဆုံးက external pressure ပြင်ပဖိအား ပါ။ ဒါကလည်း စိတ်မပါတဲ့လူတွေကို စာလုပ်စေတယ်။ စာမေးပွဲကြေးသွင်းပြီး ရက်တစ်ခု သတ်မှတ်လိုက်ရင် စိတ်မပါလည်း ပိုက်ဆံရှုံးမှာစိုးလို့ စာလုပ်ဖြစ်သွားပါတယ်
Ich bin im Winter 2020 mit A1 Deutsch hierhergekommen und dachte, ich würde B2 niemals erreichen. Der Weg war lang, sehr langsam und oft frustrierend. Aber heute habe ich es geschafft. Nicht aus Liebe zur Sprache, sondern durch reine Anstrengung, Ausdauer und Geduld. Auch wenn es kein so hohes Niveau wie C1/C2 ist, bin ich dennoch sehr dankbar und stolz auf mich, dass ich bis hierhin durchgehalten habe.
Hsu‘s Fieldnotes
